އަތޮޅު ކައުންސިލްގެ މަސްއޫލިއްޔަތުތައް އަދާކުރުމުގައި، ޢަމަލުކުރާ ޤާނޫނުތަކާއި ގަވާއިދުތައް އަދި ސިޔާސަތުތަކާއި އުސޫލްތައް
އަތޮޅު ކައުންސިލްތަކުގެ މަސްއޫލިއްޔަތުތައް އަދާކުރުމުގައި، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު (ޤާނޫނު ނަންބަރު 7/2010) އާއި އެ ޤާނޫނުގެ ދަށުން އެކުލަވާލެވިފައިވާ ގަވާއިދުތަކަށް ޢަމަލުކުރަންޖެހެއެވެ. މީގެ އިތުރުން، ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއާއި، ކަމާގުޅޭ އެހެނިހެން ޤާނޫނުތަކާއި ގަވާއިދުތަކަށްވެސް ރިޢާޔަތްކުރަންޖެހެއެވެ.
އަތޮޅު ކައުންސިލްތަކުން ޢަމަލުކުރަންޖެހޭ މުހިންމު ބައެއް ޤާނޫނުތަކާއި ގަވާއިދުތަކުގެ ތެރޭގައި:
- ދައުލަތުގެ މާލިއްޔަތުގެ ޤާނޫނު (ޤާނޫނު ނަންބަރު 3/2006) އާއި ދައުލަތުގެ މާލިއްޔަތުގެ ގަވާއިދު
- ދިވެހި ސިވިލް ސަރވިސްގެ ޤާނޫނު (ޤާނޫނު ނަންބަރު 5/2007) އާއި ދިވެހި ސިވިލް ސަރވިސްގެ ގަވާއިދު
- މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު (ޤާނޫނު ނަންބަރު 1/2014)
- ކޮރަޕްޝަން ހުއްޓުވުމާއި މަނާކުރުމުގެ ޤާނޫނު (ޤާނޫނު ނަންބަރު 2/2000)
- 5. ދިވެހިރާއްޖޭގެ ޖެންޑަރ އީކުއަލިޓީ ޤާނޫނު (ޤާނޫނު ނަންބަރު 18/2016)
- އިޖްތިމާޢީ ރައްކާތެރިކަމުގެ ޤާނޫނު (ޤާނޫނު ނަންބަރު 2/2014)
- އާއިލާއާބެހޭ ޤާނޫނު (ޤާނޫނު ނަންބަރު 4/2000)
- ދިވެހިރާއްޖޭގެ ތިމާވެށި ރައްކާތެރިކޮށް ދެމެހެއްޓުމާބެހޭ ޤާނޫނު (ޤާނޫނު ނަންބަރު 4/93)
- ވަޒީފާއާބެހޭ ޤާނޫނު (ޤާނޫނު ނަންބަރު 2/2008)
- ދިވެހިރާއްޖޭގެ ތަޢުލީމުގެ ޤާނޫނު 020 (ޤާނޫނު ނަންބަރު 24/2)
- ޞިއްޙީ ޚިދުމަތް ދިނުމުގެ ޤާނޫނު (ޤާނޫނު ނަންބަރު 29/2015)
- ސަޤާފީ ތަރިކަ ރައްކާތެރިކުރުމާއި ދަމަހައްޓާ ކުރިއެރުވުމުގެ (ޤާނޫނުޤާނޫނު ނަންބަރު 12/2019)
- ކާރިސާއާބެހޭ ކަންކަން ބެލެހެއްޓުމުގެ ޤާނޫނު ( ޤާނޫނު ނަންބަރު 28/2015)
އަތޮޅު ކައުންސިލްތަކުން އެކުލަވާލާ ސިޔާސަތުތަކާއި އުސޫލުތައް ހުންނަންވާނީ މަތީގައި ބަޔާންކުރެވުނު ޤާނޫނުތަކާއި ގަވާއިދުތަކާ އެއްގޮތްވާ ގޮތުގެމަތިންނެވެ. މިގޮތުން، އަތޮޅު ކައުންސިލްތަކުން އާންމުކޮށް އެކުލަވާލާ ބައެއް މުހިންމު ސިޔާސަތުތަކާއި އުސޫލުތަކުގެ ތެރޭގައި:
- އަތޮޅު ތަރައްޤީގެ ޕްލޭން އެކުލަވާލުމާއި ތަންފީޒުކުރުމުގެ އުސޫލު
- އަތޮޅު ކައުންސިލްގެ ބަޖެޓު އެކުލަވާލުމާއި ތަންފީޒުކުރުމުގެ އުސޫލު
- އަތޮޅު ކައުންސިލްގެ މުވައްޒަފުންގެ މަސައްކަތުގެ ފެންވަރު ބެލުމުގެ އުސޫލު
- އަތޮޅު ކައުންސިލްގެ ޚިދުމަތްތައް ފޯރުކޮށްދިނުމުގެ މިންގަނޑުތަކާއި އުސޫލުތައް
- ރަށު ކައުންސިލްތަކުގެ މަސައްކަތްތައް ވިލަރެސްކުރުމާއި މޮނިޓަރކުރުމުގެ އުސޫލު
މި ސިޔާސަތުތަކާއި އުސޫލުތައް އެކުލަވާލުމުގައި، އަތޮޅު ކައުންސިލްތަކުން ސަރުކާރުގެ ކަމާބެހޭ އިދާރާތަކުގެ ލަފާ ހޯދައި، އާންމު ރައްޔިތުންގެ ޚިޔާލު ހޯދުމަކީ މުހިންމުކަމެކެވެ. އަދި މި ސިޔާސަތުތަކާއި އުސޫލުތައް ތަންފީޒުކުރުމުގައި ހާމަކަން ބޮޑު، ޖަވާބުދާރީވަނިވި އަދި ހަމަހަމަ އުސޫލަކުން ޢަމަލުކުރުމަކީ ކޮންމެހެން މުހިންމު ކަމެކެވެ.